Tachartasan Còmhnaidh do Dhaoine Òga
Tha na tachartasan còmhnaidh Gàidhlig againn nan deagh chothrom do dhaoine òga deireadh seachdain a chur seachad còmhla agus iad fhèin a bhogadh sa Ghàidhlig. Bidh sinn a’ tabhann roghainn de bhùithtean-obrach, sheiseanan agus chur-seachadan, uile tro mheadhan na Gàidhlig agus air a lìbhrigeadh le sàr luchd-oideachaidh. Bidh an ath dheireadh-sheachdain a’ dol air adhart aig An t-Seann Taigh-grùide ann an Cromba, eadar 22-24 an t-Samhain.
Tha an deireadh-seachdain seo fosgailte do sgoilearan, AS1 – AS4, aig a bheil Gàidhlig agus bidh taghadh de bhùthan-obrach ann, a’ gabhail a-steach: òrain Ghàidhlig, obair-bhuidhne, còcaireachd, ealain, dannsa-ceum, geamaichean agus obair-sgioba, a bharrachd air ùine shaor agus tachartasan sòisealta air an oidhche. Tha fìor dheagh sgioba againn de shàr-Ghàidheil a tha gu bhith a’ lìbhrigeadh bùithtean-obrach thairis an air an deireadh-seachdain: Anna Mhàrtainn, Aonghas MacCoinnich, Eilidh NicCoinnich agus Sophie Stephenson.
Bidh an tachartas a’ ruith bho 5f Dihaoine 22 an t-Samhain gu 4f Didòmhnaich 24 an t-Samhain 2024. ‘S e cothrom air leth a bhios ann do dheugairean airson caraidean ùra a dhèanamh sa Ghàidhlig a bharrachd air sgilean ùra ionnsachadh.
Tha sinn taingeil do Bhòrd na Gàidhlig airson taic a thoirt don tachartas seo.
Tha sinn taingeil do Bòrd na Gàidhlig airson taic-airgid mu choinneamh nan deireadh-seachdainean a leigeas le teaghlaichean a phàigheadh nas urrainnear dhaibh.
Air an fhoirm chlàraidh, chì sibh ceithir roghainnean pàighidh, a’ tòiseachadh aig “Cha tèid agam air rud sam bith a phàigheadh agus bu thoigh leam àite an-asgaidh fhaighinn.” Ma ‘s urrainn dhuibh barrachd a phàigheadh, an uair sin tha roghainnean agaibh £25, £50, £75, £100, no £125 a phàigheadh. Tha £125 a’ riochdachadh cosgais airson dà oidhche àite-fuirich, biadh, teagasg tron latha, stuth airson na bùthan-obrach agus cur-seachadan air an oidhche.Tha sinn ag iarraidh gun tèid aig gach pàiste air brath a ghabhail air a’ chothrom seo, agus faodaidh sibh an roghainn pàighidh a fhreagras oirbh a thaghadh.Faodar pàigheadh airson na deireadh-seachdainean ann an cuibhreannan. Nam bu thoil leibh pàigheadh san dòigh seo, cuiribh fios air Lorraine.
Ma tha duilgheadasan sam bith agaibh leis an fhoirm, feuch gun cur sibh fios air Sophie agus feuchaidh i do chuideachadh.
Nithean a bu chòir a thoirt leibh:
• Botail uisge as urrainn dhuibh a dh’ath lionadh.
• Aodach blath (layers) is freagarrach airson side frasach.
• Cungaidh-leighis (medication), mas fhreagarrach.
• Toiletries
• Hairdryer, mas fhreagarrach.
• Aparan is seann lèine-t no lèine-t spare ma tha sibh a’ taghadh chòcaireachd
• Ionnsramaid–ciùil agus / no ur guth seinn ma tha sibh a’
dèanamh obair-bhuidhne. Bheir sinn ionnsramaidean-beum leinn air an
deireadh-seachdain. Cuiribh fios air Sophie mu dheidhinn a bhith a’ faighinn
iasad air ionnsramaid eile airson na deireadh-seachdain.
Nithean nach fheumar a thoirt leibh:
• Searbhadairean & anart-leapa.
• Biadh o chionn ‘s gum bi an leithid ann ach faodar beagan airgid a thoirt
leibh ma thogras mas e ‘s gun nochd cothrom airson a dhol dhan bhùth.
Gu mi-fhortanach, ‘s ann shuas an staidhre a tha na seòmraichean-cadail ‘s mar sin, chan eil e freagarrach do chathair-chuibhle mar eisimpleir. Air a’ bhun-lar, tha taigh beag ruigsinneachd, an cafe far am bi lunch is breaks agus da sheomar a tha sinn an duil a dh’uisneachadh air cocaireachd is obair-bhuidhne. Cuiribh fios air Sophie a bhios tuilleadh is deonach a’ bruidhinn leibh mu dheidhinn.
Ma tha ceist sam bith eile agaibh mun deireadh-sheachdain, cuir fios gu: sophie.stephenson@feisrois.org